主页>讯息网站 >2017 必去旅游名单!3大最潮「蓝」色世界│Blue Zo

2017 必去旅游名单!3大最潮「蓝」色世界│Blue Zo

2020-06-04 | 文章出自:
Happy New Year!2017年首要愿望当然係想继续活力十足,咁先可以去多好多转旅行,发掘更多新奇有趣的景点及见闻同大家分享嘛!咁…2017第1个旅程去边好呢?不如就由全球人均寿命最长的 Blue Zone 长寿区开始啦!吸收吓呢几个人间天堂的灵气,话唔定人都健康啲,又可以顺便跟一班人瑞偷师,学吓点样活得愈老愈精灵。

要成功打入 Blue Zone 之列真係一啲都唔容易,唔只要同一个地方有一定数量人瑞聚居,当地百岁老人仲要够精灵健康先配得上「长寿区」之名,所以全球 Blue Zone 数目其实寥寥可数。今次主要想为大家介绍长寿之冠意大利撤丁尼亚岛(Sardinia)、希腊伊卡里亚岛(Ikaría)以及哥斯达黎加尼科亚半岛(Nicoya Peninsula),几个地方的自然景观及生活习惯都各有特色,唯一共通点就係大家都属于简朴宁静的小岛,或者远离都市烦嚣亦係孕育出人瑞的关键之一。虽然冇可能过去长住,但放个长假过去hea吓都未尝不可,就算延唔到寿,减吓压叉个电都好呀!

2017 必去旅游名单!3大最潮「蓝」色世界│Blue Zo
目前全球只有5个地方被归入 Blue Zone 之列

 

Blue Zone #1

意大利秘密度假胜地 撤丁尼亚岛

撤丁尼亚係地中海第二大独立岛屿,属于欧洲最古老地区之一,岛上最出名係绝美海岸线,蔚蓝海水加上细白沙滩,沿岸屹立住一排排色彩缤纷的小屋,充满意大利渔村风情,难怪咁多皇室政要同明星都将呢个 Blue Zone 小岛当成度假天堂。

2017 必去旅游名单!3大最潮「蓝」色世界│Blue Zo
Blue Zone 撤丁尼亚其实望落有少少五渔村的影子,不过面积当然大好多。

 

嚟到撤丁尼亚一定要体验地道饮食文化,小岛中部有个名为Sarcidano的地区,係地中海珍贵产物「Liquid Gold」,亦即是橄榄油的重要产地,据讲该区出品的橄榄都係全岛最优质、营养价值最高的,特别适合製作无添加初榨橄榄油。大家都知橄榄油的不饱和脂肪对预防心血管病有益处,原来当中仲含有维他命E同多酚呢2种抗氧化物质,当地人几乎餐餐都会食橄榄或者用橄榄油煮食,去开旅行不妨选购啲橄榄或橄榄油做手信,试下食完会唔会感觉健康咗。

2017 必去旅游名单!3大最潮「蓝」色世界│Blue Zo
橄榄油喺撤丁尼亚人的饮食中非常重要,蘸麵包、整Pizza、煮Pasta都会用到。

 

2017 必去旅游名单!3大最潮「蓝」色世界│Blue Zo
Sarcidano地区出产的橄榄已被公认为全岛最优质

 

2017 必去旅游名单!3大最潮「蓝」色世界│Blue Zo
撤丁尼亚人习惯自给自足,所以橄榄油都係新鲜製造,纯天然无添加的。

 

Blue Zone #2

希腊最清澈海洋 伊卡里亚岛

去过希腊跳岛游都知,圣托里尼岛(Santorini)实景真係同明信片一样咁靓,望几多次都依然会忍唔住「哗」出声,不过今年係时候转转场。另一边厢 Blue Zone 伊卡里亚岛(Ikaría)同样有蓝天白云、水清沙幼,唯独蓝白小屋变咗做红白小屋,同埋冇川流不息的游客,最震撼係海水竟然比圣托里尼岛仲要更清澈更见底。伊卡里亚一直被誉为全希腊最悠闲小岛,岛民奉行「慢活」主义,完全唔会同你赶时间,亦唔锺意跟schedule做人,香港人平日做嘢咁大压力,放假过去避世放鬆下,一定可以疲劳尽消。

2017 必去旅游名单!3大最潮「蓝」色世界│Blue Zo
置身伊卡里亚岛的沙滩,深深体会到咩叫海天一色。

 

2017 必去旅游名单!3大最潮「蓝」色世界│Blue Zo
当地人都好锺意去海边晒日光浴

 

2017 必去旅游名单!3大最潮「蓝」色世界│Blue Zo
可以喺个宛如天堂的小岛生活,真心命仔都会长啲。

 

Blue Zone #3

哥斯达黎加生态王国 尼科亚半岛

如果你係大自然狂迷,特别锺情穿梭于木林之间、享受近距离观察野生动物、重视生态保育,尼科亚半岛(Nicoya Peninsula)一定係你杯茶!事关呢个中美州最具人气旅游国家有超过25%面积被列为国家公园及保护区,单係 Blue Zone 地带尼科亚半岛最南端的Cabo Blanco自然保护区就有超过35,000种野生动物,白尾鹿、斑点豚鼠、食蚁兽、捲尾猴……数都数唔晒,区内仲有哥斯达黎加最优美的景观,任你日日马拉松式参加导赏团,留足1个月都未必可以睇清呢个保护区的「全相」。

2017 必去旅游名单!3大最潮「蓝」色世界│Blue Zo
尼科亚半岛唔係得森林有嘢睇有嘢玩,水上活动一样咁受欢迎。

 

2017 必去旅游名单!3大最潮「蓝」色世界│Blue Zo
仲可以睇海龟

 

2017 必去旅游名单!3大最潮「蓝」色世界│Blue Zo
骑马又得

 

2017 必去旅游名单!3大最潮「蓝」色世界│Blue Zo
虽然尼科亚半岛好原始,但唔代表晚晚要喺森林扎营、训树屋嘅,当地都有好多靓酒店同resort可以选择。